He lungawilohna
lantirna-ah hian kal khawm-te chuan, India ram-a Exam kalpui danah langtlang
leh thianghlim (transparency), rintlak taka thitih (accountability) leh felhlel
awm lova thiltih (fairness) a nih ngei theih nan, leh zirna kalphung siamthat a
nih theih nan, an duhdan te an auchhuahpui a ni. He hunah hian thusawitu hrang
hrangte chuan, Zirlai harsatna tawk te an thlawp tlat tur thu leh Gen Z-te chu
chhawrtlak an nih thu uar taka sawiin, rintlak leh chhawrtlak an nihzia lang
tur erawhchuan chhawr an nih si loh thu an au chhuahpui bawk.
ZIRLAI-TEN
‘SONAM WANGCHUK THILTIH THLAWP NAN-A 'PEACEFUL SOLIDARITY PROTEST' AN HUAIHAWT-IN
THLAWP A HLAWH HLE
><}}>
Dr. John, 22.07.26
NEET-UG Exam paper
leak chungchanga State dangte lungawilohna an lantir thlawp nan, Vawiin khan
Mizorama Zirlaite leh Social Activist, etc. chuan Vanapa Hall kawt-ah 'Peaceful Solidarity Protest' an nei a,
mi 5,000 chuang an pungkhawm.
He Punkhawm tanna-ah
hia, NEET-UG Exam kaihhnawiah nunna chan te sunna hun an hmang a. Hemi hnu hian,
he Protest hi pawl bik buatsaih ni lovin, Zirlai pungkhawm an nih thu
ngaihthlak a ni a. Protest chu an chochhuah ni lovin, System dik lo leh system tha
lo duangtute chochhuah a ni, an ti a. Tun hnaia NEET-UG Exam Question paper
leak out avangin mi 20-in an nunna an inla (suicide) a, paper leak out chu tun
tum hi a vawi khatna chauh a ni tawh lova, kum 3 chhung a zawnin a leak out a,
heng vang te hian mi sang chuangin an nunna an inla (suicide) tih an sawi bawk
a ni.
Zirlai pungkhawmte
hian, zirlaite tan Sorkar zirna-in ṭha zawk siam se an duh thu te, zirna
system chu mihring tluantling, dik leh zalen ni tura chhertu ni se, an duh thu
te, zirna-in chu sum siamna hmun tur a nih loh thu te, coaching centre man to
mamawh lo tura zirna-in te thuamṭhat ni se, an duh thu te, Exam paper
pût rûk theihna ven kawnga Sorkar hlawhchhamna chuan Mizoram zirlai-te pawh na
taka a nghawng thu leh India Danpui Article 19-nain ram mipui hnena dikna
chanvo (rights) a pek chu Sorkar-in zahsak se, an duh thu te an aupui a ni.
Zirlai pungkhawm te
chuan, 'Give Me Some Sunshine' tih
hla te, ‘We Shall Overcome’ tih hla
te an sa rual a. Tarlan tawh angin, kumin NEET-UG Exam zawhna put ru vanga
Union Education Minister, Dharmendra Pradhan bang tura phut a, Delhi, Jantar
Mantar-a pungkhawm-te thlawpna an lantirna a ni.
He Peaceful Solidarity Protest hian thlawp
a hlawh em em a. CID lam atanga thu kan dawn danin, an tam lai ber chuan Zirlaite
hi 5000 chuang an tling hial a ni. Tlai dar 5:00 PM thleng khan, tharum thawhna
tel lovin, felfai tak leh muanawm takin hun hi an hmang a ni.
Tunlaia kan chanchin
hriat lungchhiatthlak tak tak te- “kan
Mizo Thalaite hian ruihhlo leh thatchhiat bak buaipui an nei lo,” an tih
thin chu, Vawiin-a Thalai Zirlai rual
kalkhawm te hian a dik lohzia an rawn nemnghet chiang ta! Mizo zingah, a bik takin
Aizawl-ah hian, Thalai, ruihhlo ti lo, dikna leh rinawmna leh zirna ngai
pawimawh zawk Thalai hi an la tam lutuk a ni, i beidawng lovang u, tih hi Zoram
mipui ten lo hre mawlh teh u…
He Mizoram Thalai Zirlai
rual kalkhawm-te thiltih hian, India Sorkar-in thil dik lo a tih te hi a do
tlat dawn a, Mizoram Sorkar-a thil dik lo awm te pawh a rawn do zel dawn a ni,
tih a entir a ni! Rorelna dik leh Fel taka tih duhtute tan, hei hi a bul tanna
chauh ala ni ang…
*Aw…
Zoram! I Pathian tawk turin inpeih rawh!”*
0 comments :
Post a Comment