RAJYA SABHA MP ATAN PU K. LALTLUANGKIMA LAK LUH A NI

 
RAJYA SABHA MP ATAN PU K. LALTLUANGKIMA LAK LUH A NI

><}}> Dr. John, 21.07.26

Nimin atang khan Parliament Fur Thukhawm chu tan a ni a, inkhawmah hian Rajya Sabha Member Parliament atana thlan thar mi 9-te rinawmna thu tiam tira lakluh an ni a, Mizoram aiawha Rajya Sabha MP atana thlan thar, Pu K. Laltluangkima pawh lakluh zingah hian a tel ve a ni.

 

Pu K. Laltluangkima chuan, “Vawiin July 20, 2026 hian Rajya Sabha-a Mizoram State aiawh tura lakluh ka ni ve ta a, Pathianin chungah leh kan Sorkar te, kan Hruaitute leh Mizoram mipui zawng zawng chungah lawmthu ka sawi a ni,” a ti.

 

Kan hriat angin, Mizoram aiawh Rajya Sabha MP inthlan hi June 18, 2026 khan Aizawl-a Assembly Annexe-ah neih a ni a, ZPM Candidate Pu K. Laltluangkima hian Vote 26 hmu-in, Rajy Sabha MP atan hian thlan tlin a ni.

 

Mizoram tan leh India Sorkar tana a theihna te dik tak leh tha taka hmang turin duhsakna sang ber kan hlan e.