'PUBLIC EXAMINATIONS (PREVENTION OF UNFAIR MEANS) AMENDMENT BILL, 2026' LOK SABHA-AH PU LUT
><}}>
Dr. John, 28.07.26
Nimin July 27, 2026
khan, Lok Sabha-ah, 'Public Examinations
(Prevention of Unfair Means) Amendment Bill, 2026' chu put luh a ni. He
Bill hi Minister of State for Personnel, Public Grievances and Pensions, Dr.
Jitendra Singh chuan a pharh a, kum 2024-a dan lo siam tawh sa, Public
Examinations (Prevention of Unfair Means) Act, 2024 siamṭhatna
tur a ni.
He Bill pharh a nih
lai hian eptu member-te chuan, tun hnaia NEET exam chungchanga lungawi lohna
lantirtu zirlaite chunga police-te'n hleilenna an hmang nia puhna chungchang
chu sawiho an phut a, Lok Sabha Speaker Om Birla chuan party hrang hrang
member-te aṭangin NEET buaina chungchang sawiho
ngenna a hmuh tawh thu sawiin, chipchiar taka sawiho a ṭul
thu leh an sawiho tur thu a tarlang a ni.
Ram chhunga Exam
buatsaih dan kalhmang siamṭha a, hmalakna ṭha
zawk kalpui a nih theih nan member-te chu ngaihtuahna seng ṭheuh
turin Speaker chuan a ngen nghal bawk a ni.
0 comments :
Post a Comment