*OPEN LETTER TO PU F. RODINGLIANA P&ED MINISTER*
Subj.: Vankal Solar Park atanga Power Unit 1 pawh kan hmuh loh laia vai
hnena Rs. 5,30,00,000 pek thu leh a kaihhnawih
1. Vankal solar park-a power transformer a chhiat avanga 31/5/2025
atanga 1/2/2026 chhunga power unit khat pawh mipui hman tura kan dawng lo
chunga power man kan chawi chu,- Rs. 5,30,00,000 (cheng nuai za nga sawm thum)
chuang a ni tih RTI dan hmangin ka dil chhuak a. A rapthlak a ni ringawt! Thla
sarih chuang zet power transformer siam that loha a awm reng hi thil fel tawk
lo lian tak a awm hrim hrim a. I chak tawk loh vangin officials te an
inthlahdah em ni le? Transformer hi tun thlenga siam that a la nih loh chhan
leh eng tikah nge siam that a nih dawn min hrilh turin ka ngen che a. Tin, Mizo
mipui pawisa (public money) vai hnena inpek tawk tawk hian hlawkna intel ve loh
ka beisei a. Vankal solar park hi sawrkar kal tawhte bun a ni a. ‘Vai company
pahnihte leh helaia an thurual puite hlawkna tur en rana agreement kha siam a
nih leh nih loh en fel turin ka ngen bawk a che.
2. In sawrkar tirhtea Centre for Environment & Social Justice
(CESJ) in Mizorama Solar Power kalpui dan dik tawk lo Press Release kan siam
vanga i office a lenga min sawm khan, Rooftop solar a ni emaw, solar park/plant
a ni emaw, project-ah plate hlui seng hawi dan bilh tel zel turin ka ngen che
a. P&ED department hotute pawh chhinchhiah turin i hrilh a nih kha.
Nimahsela RTI zawhna chhanaah bilh tel pakhat mah a awm lo. Pathian min pek kan
ram leilung inzah lo nge, ka rawtnate kha eng huah inngai lo zawk? Pathian min
pek kan ram leilung hi solar plate hluia tihchiat kan phal ngai lo ang.
3. Pu Maro, Rooftop Solar kalpui uar ula, buh leh thlai chin theihna
(agriculture land) ah chuan solar park/plant bun lo turin Pathian hmingin ka
ngen che a. ‘Vankal Solar Park Tawnhriat’ chhe tak atanga he ram tana tha ber tur ngaihtuah turin ka
ngen ngawih ngawih a che. Biak in, chung, zirna in chung, office leh mimalin in
chunga 30% ah chuah pawh Rooftop solar hi bun hlawhtlin ni se, ruah tui leh
boruak thianghim min petu, thing leh mau hmun, kan ei bo bar buh leh bal china
hmun tihchhiat a ngai lo ang.
“Leilung leh a awm chhunga thil
awm zawng zawng hi Lalpa ta a ni a, Khawvel leh a chhunga chengte nen hian.
(Sam 24:1)”
Ruatfela Nu
17/03/2026
0 comments :
Post a Comment