Beinô {Kolodyne River or Chhimtuipui Lui}

1. Thu Hmatheh

Khawvel a changkang zel a, thiamna leh finna te a sang zel a. Mahni hnam tihdan leh kalphung (culture) te kalsanin hnamdang tihdan leh nundan phung tha zawk nia kan hriat te kan entawn a, kan lachhawng zela a lan laiin, Pathian thu lama scholar tha leh Secular lama thiamna sang nei te ngaihdanah chuan, hnam dang tih dan ai chuan mahni hnam tihdan theuh an ngai pawimawh zawk daih tih an hmuchhuak thar zel a ni.

Christian Anthropologist lar tak pakhat chuan, “Hnam pakhat chauhva inchhungkhawm tumna rilru hi Pathian duh loh thil a ni. Tawng pakhat chauh hman, tihdan inang vek, mahni huang chhunga midang hnim-luh-luih tumna hi Pathian huat zawng tak a ni a, Babel Insang atang khan zirtirna tha tak Pathianin min pe  a ni. Tawng hrang hrang leh hnam hrang hranga min siamtu hi Pathian a nih tlat avangin, huana pangpar chi hrang hrang an awm hmun theuhva mawi taka an par angin hnam hrang hrang leh tawng hrang hrang hmang te hi kan awm hmun theuhva zalen taka kan hnam tihdan leh kalphung (culture) kan nun chhohpui hi Pathianin Bible kaltlanga min zirtir a tum lian tak pakhat a ni,” a ti a. Hei hi a dik hle-in ka hria, Mizorama Zo hnahthlak hnam zinga tawng leh tihdan phung inang lo awm te hi inzahtawn sak chunga, inchawisan sak zel hi Zoram hmasawnna atana kan hmachhawp niin alang.

“Mi Hriat Reng Nan Hei Hi Ti Ţhin Rawh U” Tih A Ni Reng Em?

      Luka 22:19, “Hei hi ka taksa, in aia pek tura chu a ni, mi hriat reng nan hei hi ti țhin rawh u”

 1. Kohhran-te Hian Kan Tisual Elo?

Phaia lehkhazir, English service-a inkhawm thin pakhat hian, tifuh inti takin, “Lalpa zanriah theh chungchangah hian Kohhran-te hian kan tisual lian khawp mai…” tiin, ka hriat theih ngei tur hian a sawi chhen mai a! Ka ngaih tha lo chuan Restaurant-ah “Coffee tui tawk ka khilai ang che…” tiin ka luhpui a, ka zawt ta chawt mai a. Thil awmzia a han sawi chuan ngaihtuah ti thui tak Bible chang, Kohhran serh leh sang nen-a inzawm pawimawh tak mai thu-ah a rilru a lo buai viau a, Kohhran-te chu ti dik lo min ti a, min lo dem viau chu lo niin…

2. English Bible-ah, “Ti Ţhin Rawh U Tih A Awm Lo”?

He tlangval lehkhathiam hian, eng Pathian thu zirtirna nge a lo dawnsawn sual chu a sawi duh lova. Amaherawhchu, a complaint ber chu, Mizo Bible-a Luka 22:19 thu, “…mi hriat reng nan hei hi ti țhin rawh u” tih laia “ti țhin” tih tawngkam tak hi English Bible-ah a awm lo. Mizo Bible letlingtuten an belh-chawp leh an tih danglam a ni, tiin ngaihdan a lo siam chu niin!  English Bible hi kan han en chuan, “Do this in remembrance of me” tih chauh a lo in-ziak kher kher bawk nen…”ti țhin” tih chu dik lova ngaih a awl hle dawnin a lang ta a ni.

Celebrities’ Most Expensive Body Parts

1. Pathian Thilsiam Hi Ava Hlu Êm!
Pathian thilsiam (mihring) hi a mak-in, a ropui a. A original part khawi ber emaw kha a chhiat chuan, khawvelah a ang chiah chiah (original parts) thlak tur a awm ve tawh lo. Ringtute erawhchu kan original parts a chhiat pawhin a aia țhaa min thlaksak theitu Pathian nung kan neih avangin “Hetah lo țhiat mah sela hmun dangah a din thar zel” tih kha kan hla a ni zel dawn a ni. Mizo hla thinlung khawih êm êm, “Mitdel kan awm tawh law’ng Jerusalem Tharah…” tih hla khan a hril-chiang ber awm e.

2. Khawvelin Insurance A Uar
Mihring original parts a chhiat-a thlakna tur a awm tak loh avangin a neite (hausa-te) chuan Insure ngei an duh a. A pawisa zawng talin an hmu let a, a neite pek belh-chhahna a ni. Mirethei chuan insure-na tur kan nei ve lo. Ringtute chuan Sulrul leh tuiêkin a eichhiat theih lohna hmun Van-ah kan taksa leh thlarau hi Insure zel ang u.

3. Êm Êm Chuan…
Khawvela milâr-ten Insurance an uar hle a, an Voice, Smile, Hair, Butt, Boobs, Fingers, Mustache, Sperm te leh zel an insure a nih chu!?  Khawvel a ni miauva, khawvel mite tan tih-awm lo hi a awm ve lova, an ti tawh vek vek chu uar tak an ni. Ringtute (Êng fate) hian Engkimtithei Pathian kan biakna leh a rawng kan bawlnaa kan țhahnemngaihnaah hian khawvel mite (Thim fate) finna leh țhahnemngaihna hi kan tluk lo hle mai! Ringtute i țang sauh sauh teh ang u.

The Best Quotes on Philosophy of Life

Hringnun awmze nei tak leh hlim taka kan hman theih nan mi ropuiten an tawn-hriat atanga an thusawi hi i han bih nawn leh teh ang u.

Worth Saying:- 

1. In the end, it’s not going to matter how many breaths you took, but how many moments took your breath away. – Shing Xiong.

2. When life gives you a hundred reasons to cry, show life that you have a thousand reasons to smile. – Unknown.

3. Never tell your problems to anyone…20% don’t care and the other 80% are glad you have them. – Lou Holtz.

Lal Isua’n Theipui Kung A Hau Hlum!

1. Thuhmahruai
Kum 1994 khan, Seminary-a ka awm laiin, ka Vai-thian-te zinga pakhat chu Kristian-a siam ngei rilruk-in, muslim mah nise, ka kawm ve hram hram a, ka inseng ve nual hman a. A kum tel a liam hnu chuan, kan innel ta viau-a ka hriat avangin Lal Isua ring ve mai turin ka sawm ta alawm le! A nuih hi a han za mai mai khawp a. Min han nuih-sawh vak phawt a! Ka ngaih a ţha lo hman viau tawh a. Thil lian tak ka tisual emaw ka lo inti hman hial a.

Mahse, min nuih vak hnu chuan, Lal Isua chungchang avanga a nuih a zat thu min hrilh ta a!  Heti hian min ti ta alawm mawle, “In Pathian Isua khan a rah loh avang ringawtin theipui kung kha a hau hlum nia! Pathian ve si, a thinchhe e! In Pathian ve hi in Bible-ah pawh A rah hun a ni lo reng a, ti na na na, a rah beisei-a a va zawng tlat leh a rah hun loh laia rah tura a beisei hrim hrim kha a dik lo…Pathian pawh a ni lo, engmah a hre lo tihna a ni mai, zui tlak a ni thlawt lo” tiin, min liak ta hrep mai a nih chu…a hunlai chuan hnar a lian duh teh mai a nia! He Muslim thian-pa ang rilru pu hi Kristian inti zingah pawh kan awm mai thei a ni. He thu hi Matthaia 21:18-21, leh Marka 11:11-14, 20-25-ah a inziak a, a pawimawh si a, thiam tawkin lo sawi zau dawn teh ang.

2. Theipui Rah Hun A Ni Lo Reng A Ni! Eng Rah Nge A Zawn Si?
Palestine ramah khuan March thla tawp lam emaw, April thla tir lamah emaw hian Theipui rah-hmasa {buds/first fruit} a rah ţhin a. Hei hi Theipui rah tak tak (normal crop of figs) a rawn chhuah chuan an ral ve mai ţhin. He Theipui rah-hmasa tak hi Isua’n a zawn zawk tak chu a ni ta a ni. Rah-hmasa hi Israel-te leh Khualzin-ten “ţam-hnem” a tana an zawn ţhin a nihzia an hrechiang hle. Rah-hmasa hi a awm loh chuan Theipui hi a rah dawn lo tihna a ni bawk. He Rah-hmasa hian Rah-hnuhnung awm tur dinhmun kha chiang takin a hril lawk tihna a nih chu. Rah-hmasa a awm chuan Rah-hnuhnung pawh a ţha dawn tihna a ni. Ruah hmasa leh ruah hnuhnung a awm ang deuh khan.

Nang, Nunna Bu-ah I Hming A Chuang Ang Em?

“Tin, mitthite, alian ate-in, Lalţhutphah hmaa ding ka hmu a; Tin, Lehkhabute an hawng a; Tin, lehkhabu dang Nunna Bu chu an hawng bawk a; Tin, mitthite chu lehkhabute-a ziak an thiltih ang zela relsakin an awm ta a…Tu hming pawh Nunna Bu-a ziak an hmuh loh chuan Meidilah an paih bawk a” Thup.20:12-15.

1. Thuhmahruai
Hringfa zawng zawngten Rorelna Hnuhnungber (Final Day of Judgment) kan hmachhawn hunah chuan, Pathianin mihringte rilru ngaihtuah te, ţawngkam chhuak zawng zawng te, leh thiltih zawng zawng a lo record vek tawh kha he Rorelna hun hnuhnungah hian en theih leh ngaihthlak theih leh hmuh-theih turin tih-chhuah a ni dawn a ni tih Solomona’n a lo sawi lawk tawh a, “Pathian chuan thiltih zawng zawng chungah ro a la rel dawn si a, thil inthup engkim, a chhia emaw, a ţha emaw te pawh, tih hi” tiin, (Thuh.12:14).  Chatuan ram mawiah chuan Lal Isua’n ro a rel dawn a, Mifelte mah chhandam hram hram chauh an nih si chuan, Lal Isua Hnawltu misualte tawpna chu eng ang tak ni ang maw? Nang, Nunna Bu-ah i hming a chuang ang em?

Piangthar Dik Takin Hre Reng Chungin Thil A Tisual-Nawn A Tisual-Nawn Thei Em???

Thuhawnna
Pathian thu kan lak dan leh kan pawm dan te hi in-ang lo ţhin mahse, a chang chuan thil chiang tak, kan pawm tlan leh dik kan tih tlan hi chu a awm a. Kan pawm duh leh duh lohva a innghat ţhin. Helai kan thu khel tur “Pathian hrin chuan thil a tisual thei lo” (1 John 3:9) tih pawh hi, a sawi tum dik tak chu, “Piangthar dik tak chuan thil a tisual-lui thei lo” a tihna a ni tih kan chiang tlang awm e. He thuziak hi i chhiar zawh hunah chuan i thlarau dinhmun dik tak chu i inhrechiang hle tawh turah ka beisei a. Chuvangin, i dinhmun kha insiam ţhat i ngai a nih chuan tawi-khaw-muang lova insiam ţha vat turin ka sawm nghal che a ni.

An Va Tisual Thin Si Ve?
Lal Solomona aţangin ţan ta ila. Solomona khan Pathian lakah thil ava tisual nasa si ve!? Hnamdang-mi nupui-ah nei lo turin Pathianin thu a pe mawlh mawlh a. Pathian thupek bawhchhia-in nupui a nei teuh si!? Solomona nupui chungchang hi Bible scholar ţhenkhat-ten an chhui danah chuan, Solomona khan, hnamdang-mi nupuia a neihna chhan kha a Pathian-thu riauvin an chhui tlat pek!

Solomona rilru leh tumdan (heart & motive)-ah chuan, hnamdang-mi nupuia a neih chuan, Jehova betu an pung ang a ( a nupuite hi Jehova a biak-tir theih a in-ring a ni). Hei bakah hian Pathian thupek (chi tam tak thlah tura thupek) tih-hlawhtlin nan, Israel mi chithlah pawh a neih phah ţeuh a beisei bawk a ni, an ti.  Mahse, hmeichhia hi sual tura thlêmna lam kawngah hi chuan an Pi Evi kha an an lo chhun fuh khawp a, Solomona pawh a ţang zo ta ngang lo a ni e an ti!

Nova’n Anchhia A Lawh Sual Emni?

Thuhmahruai
Kan thupui innghahna Genesis 9:20-27-a kan hmuh ang hian, Nova’n a zuruih avanga a mu sual (zahmawh langa a mu) hmutu a fapa Hama anchhia lawh lova, a tupa Kanaana (Hama fapa) anchhia a lawh daih mai hi a mak hle. Hrilhfiah dân leh chhuizau dân erawh a in-ang lo. A pawimawh êm avangin buaipui pawh a hlawh nasat phah a, ngaihdan fumfe tak neih pawh a har hial. Nova hian anchhia a lawh sual a nih loh vek pawhin Bible ziak-chhawngtu (copy editors)-te hian hmaih an nei nia ngaiin, Arabic Bible (Arabic version)-ah chuan Nova ţawngkam hi tidanglam hretin, “pa” tih an belh a, “…Kanaana pa chu anchhe dawngin awm rawhse!” (9:25) tiin an ziak daih nghe nghe a ni! Septuagint (the Greek translation of the Old Testament)-ah pawh, Kanaana hming lo lang hi Copy-editors-te tihsual ni ngeia an hriat avangin Kanaana hming aiah hian a pa Hama hming an dah hmiah bawk!

Hama Khan Engnge A Tih-sual Reng Reng A?
English leh Mizo Bible-ah a funkim lo deuh nge? Bible han chhiar ringawt hi chuan, “Hama, Kanaana pa chuan a pa mu sual chu a hmu a, pawnah a unate 2 chu a hrilh a. Tichuan, Sema leh Japhetha chuan, puan an la a, kokia inzawnin hnung tawlhin an kal a, an pa mu sual chu an khuh ta a”(Gen.9:22-23) tih a ni mai a!  Engnge a tih-sualna vak aw? tih theih a ni. Mahse, Biblical, Historical & Cultural perspective aţang chuan Nova fapa Ham-a hian he thilah hian thil sual lian tak a lo khawih nual a ni tih a lang chiang hle thung.

Treasures in Jars of Clay {My Meditation}

1. TREASURES IN JARS OF CLAY (2Cor.4:1-18)

Christians are “Jars of Clay” who at times experience sadness, tears, troubles, perplexities, weakness and fears (cf. 1:4, 8-9, 7:5). Yet because of the heavenly “treasure” within them, they are not defeated. Christianity is not the removal of weakness, nor is it merely the manifestation of divine power. Rather, it is the manifestation of Divine power through human weakness (2Cor.12:9).

(1). In every affliction we may be more than conquerors through God’s power and love (Rom.8:37). Our weakness, troubles and suffering open us up to Christ’s abundant grace and allow his life to be revealed in our bodies (vv.8-11, cf. 2Cor.12:7-10).

(2). If you experience Christ’s presence and power in your life, absolutely no trouble, sickness or tragedy will cause your spiritual defeat. When outward circumstances become unbearable and your human resources are exhausted, God’s resources are given to expand your faith, hope and strength. Under no circumstances will God forsake his faithful children (Rom.8:35-39, Heb.13:5).

(3). To minister life to another person, we must share Christ’s sufferings and experience the working of death in our lives (v.12). Self-denial, trouble, disappointment and suffering for Christ’s sake will allow our lives to minster grace to others (cf. 11:23-29, Rom.8:36-37, Phil.1:29, 1Pet.4:14). Jesus taught this same great principle of brokenness in John 12:24-25.