SIR 2026 DRAFT ROLL-AH SIR 2005-A ZAWMPUI NEI LO VOTER 32,163 AN AWM; CYMA-IN KHAWTHLANG LAM AN RINGHLEL

SIR 2026 DRAFT ROLL-AH SIR 2005-A ZAWMPUI NEI LO VOTER 32,163 AN AWM; CYMA-IN KHAWTHLANG LAM AN RINGHLEL

><}}> Dr. John, 16.07.26

Central YMA hruaitute chuan, Electoral Roll Special Intensive Revision (SIR) 2026 neih mekah, SIR Draft Electoral Roll tlangzarh tâka chuang voter 32,163 chu SIR 2005-a zawmpui nei lo an nih thu an sawi a;

Chakma chenna bial, Mizoram khawthlang lamah thil rinhlelhawm tak tak a awm thu leh, a țul anga hma an lak dawn thu an sawi bawk.

 

CYMA chuan nimin khan thuthar thehdarhtute léngah sáwmin, CYMA Committee Room-ah an inkâwm a, SIR 2026 leh Mizoram electoral roll-a thil fel lo awm nia an hriatte leh hma an lak dante an hrilhfiah.

CYMA president R Lalngheta chuan, “Ṭan lak viau kan tum a, a ṭul a nih chuan agitation (dodalna lantir) thlengin kan ti lo ang tih a sawi theih loh,” a ti.

 

Mizo Zirlai Pawl (MZP)-in, he SIR 2026 hi an rinhleh thu leh thil dik lo a awm ngeia an rin thu, June 8 khan Press Conference neiin an lo sawi tawh a nih kha. An hmalakna lo tarlang leh zuai ila-

 

MZP khan, Chief Electoral Officer Garima Gupta, IAS-in Special Intensive Revision (SIR) 2026 kal mek Press conference a neih tum-a “Mihring pun dan pangai (abnormal growth) baka punna a awm lo,” tih a sawi chu dik tawk lova an hriat thu an sawi. Newspapers

 

MZP chuan June 8-a an Pisa-a Chanchinbu mite an kawmnaah, Draft Electoral Roll thar chu ngun taka an zirchian thu an sawi a, a bikin chhim lama Chakma tamna khuate punna chu a sang hle an ti a, Sumasumy khua, 2005-a vote 52 awmnaah chuan draft roll hnuhnungberah vote 248 an awm tawh a, a punna hi 376.92% a ni, an ti. Heng khua bakah hian 200% aia vote pun tamna hi khaw 7 awmin, 100% aia tama vote punna hi khaw 16 a awm niin an sawi.

 

Khaw 95 an zirchianna atangin 50% aia vote pun tamna hi khaw 30 chuang a awm an ti a, Mizo tamna khua apiangah vote punna percent hi a hniam a, heng khuaah te hi chuan 10% - 20% bak a pung lo niin an sawi.

 

MZP chuan, Chief Electoral Officer Garima Gupta, IAS chu Special Intensive Revision (SIR) 2026 kalpui mekah ngaihtuahna a seng tawk lova an ngaih thu an sawi a, office a luahlum tawk lo tiin, roll buaipui fel a nih hma chu a hna hi tha taka vil turin an phut thu an sawi bawk a ni.

 

MZP chuan MLA bial pa 5-ah mapping an ti tha tawk lo tih an sawi a, July ni 4 atanga August ni 4 inkara vote nei thei lo te hming paih leh inthunthar duh leh leh siamthat (Claims & Objections) tih huna hearing neih turah ERO, AERO leh BLO te chu fimkhur taka hma la turin an ngen a, YLA leh Chakma zirlaite nen pawh hemi vil tur hian an thawkho dawn tih an sawi bawk.