*VANDE MATARAM- VAI PATHIAN DURGA CHAWIMAWINA HLA- VANDE MATARAM KRISTIAN TEN KAN SAK LOH NGAM A NGAI*

 *VANDE MATARAM- VAI PATHIAN DURGA CHAWIMAWINA HLA- VANDE MATARAM KRISTIAN TEN KAN SAK LOH NGAM A NGAI*

-Ruatfela Nu, Remi leh mi dang titi ziaka remkhawm

15.03.2026

1. India rama Kristian awm zat - 2.3% Nagaland a Kristian awm zat - 87.93% Mizoram a Kristian awm zat – 87

2. Union Ministry in functions pawimawh (including educational institution) ah te National Anthem - Jana gana bak ah Vande Mataram play tawh tur a ti a.  Kan dodal ngam dawn em?

3. Hmanni khan Nagaland-ah University convocation a awm a, Naga Students Federation te chuan Vande Mataram chu sa duh loin - religious (Hindu) sentiments tel hla anih vangin hla play anih laiin an ding duh lo a, an protest a naktuk ni 16 March ah hian peaceful rally pawh neih chhunzawm an tum. 

4. MZU convocation ah Vande Mataram an play a. Tuman an dodal lo. He vai hla hi national hla ni mahse vai pathian Durga chawimawina hla a ni.

5. Vawiin Presbyterian Puitling zirlai enlawknaah ‘ringtute hi roreltute thu thu in kan awm zel dawn em’ tih chungchang sawihona ah hei hi sawi chhuak an awm awm e.

6. Kristian tamna state ve ve te hi kan in ang lo ru viau mai a. Central lamin an duh danin ro an rawn rel chungchangah hian kan rinna kalh thilạh te pawh hian kan lo ‘ok’ zel mai dawn em ni? Engati nge kan Mizo thalaite khan protest emaw an tum ve loh? Kan Pathian thusawi te, ngaihthlak te, kan lam mup mup hla te; kan mittui tlak zawih zawihna te Zo zai kha a taka ringtu kan nihna lantir a ngaih hunah hian kan la lantir ngamlo zel a nih hmel a…. Zir tur kan va la ngah em!

7. Kristian kan nihna hian kan engtih mah a dal lo zel em ni? Kohhram thalai khawmpuia lam mup mup leh Chapachar kuta khawvel hla saka lam mup mupte kha mi thuhmun an ni ang em? Nun chawhawhrawi hi piangthar lo zia a ni a. Mi a pianthar loh chuan Pathian ram a lut lo ang.

8. Lal Isua pawh kha Rom sawrkar hnuaia awm anih avangin khua leh tui tha nih tur ang kha chu a pawmin tih tur tul chhiah pekte thlengin a pawm. Mahse sawrkarin tih dik loh a neih kha chuan huaisen takin a dodal ngậm.

9. Kan ram hi secular kan nih avangin rinna chungchangah freedom kan nei a. Chuvangin kan rinna tinghing thei emaw, dodal zawnga thil thleng a awmin kan rinna tan zawnga kan chet chhuah hi kan constitution-in a phal ve tlat a ni. Kan vannei asin! Kan vanneihna hi hmang tangkai ve ang u.