INDIA RAM STATE ZAWNG ZAWNGA THISEN PEK TUM ATUL SINGH-A’N CIVIL HOSPITAL AIZAWL-AH THISEN PE
><}}>
Dr. John, 27.07.26
India ram chhunga State
tina thisen pek tum, Atul Singh-a'n Civil Hospital, Aizawl-ah July 25, 2026
khan thisen a pe. Atul hian State 24-ah thisen a lo pe tawh a ni.
Atul Singh (kum 28) hi
Uttar Pradesh-a Gorakhpur khuaa cheng a ni a. Tun hi Delhi atanga lo kal niin, July
25 khan Mizoram a lo thleng a, he mi ni vek hian Civil Hospital, Aizawl-ah a
mamawhtute tan thisen a pe nghal a ni. Atul Singh chuan, hetianga ram chhung State
hrang hranga thisen pe tura hma a lak chhan sawiin, “Thalaite leh mipui nawlpui ten,
midang nunna chhan nana thisen pek a pawimawhzia hriattir tur leh rilru hrisel
neih a pawimawh thu zau zawka thehdarh a tum vanga thisen hi pe a nih thu,”
a sawi a ni.
'MISSION
28 STATES' tih
hming vuah-a State tina thisen pek tumtu Atul Singh hian Mizorama thisen pe
turin July 25 khan Delhi atangin Aizawl a rawn pan a, Lengpui Airport a thlen
hnuah Civil Hospital a pan tlang a, thisen a pe nghal a ni.
Atul Singh hi kum 28
mi niin, tun tum hi thisen a pek vawi 42-na a ni a, MISSION 28 STATES bikah chuan Mizoram hi thisen a pek State 24-na a
ni. State pa 4 a la hmabak a, chungte chu - Manipur, Tripura, Kerala leh Tamil
Nadu te a ni.
Atul Singh hi Association for Voluntary Blood Donation
(AVBD), Mizoram hruaitute'n an lo tawiawm a, AVBD hruaitute chuan, Atul
Singh-a hmalakna chu tha an tih thu leh chhuanawm an tih thu an sawi a, AVBD
aiawhin Vice President K. Zothanpara'n chawimawina thuchei a hlan nghal bawk a
ni.
0 comments :
Post a Comment