MZP
LEH MBSE CHAIRMAN TEN MTET EXAM TUR CHUNGCHANG SAWIHO
><}}>
Dr. John, 27.07.26
July 25, 2026 khan,
MBSE Chairman Pu JH Zoremthanga leh MZP hruaitute an inkawm a. He inkawmnaah
hian, MBSE in a MTET exam a buatsaih tura form fill-up 5,000 chuang zinga
application 884 hnawl a nih chhan leh thil awmdan an sawiho a ni.
MBSE hotute chuan, MTET exam turah hian kum dang zawng aia
applicants an tam thu leh reject tam tak te chu form an fill-up laia document
thehluh kim loh avangte, B.A Certificate/Marksheet turah HSSLC
Certificate/Marksheet an thil tel avang leh HSSLC-a za zela 45 hmuh ngai zat
pha lo tam takin form an fillup thu, MZP hruaitute hi an hrilh a ni.
MZP hruaitute chuan, MSBE in Mizoram Teacher Eligibility Test
(MTET) exam kum 1 chhunga vawi khat chiah a buatsaih thin avangin, reject list
tar chhuah hnuah pawh siamthat lehna hun siam dan tur ngaihtuahsak tur leh kum
1 chhunga exam vawi 2 tal buatsaih thin turin an ngen a. MBSE Online Portal
pawh tih changtlun a nih theihna turin rawtna hrang hrang te, an thlen bawk
a ni.
0 comments :
Post a Comment