CHAMPHAI-AH MIPA LEH MIPA INKAWP MI 60 AN AWM. HMEICHHE INZUAR THIN MI 100 VEL AN AWM BAWK
><}}>
Dr. John, 17.07.26
Champhai Sub-Hqrs. YMA
Kumpuan Committee-in a zirchian chinah, Champhai khawpui chhungah Damdawia
injection thin mi 1,000 chuang an awm a, damdawi dang ti mi 30 vel an awm bawk.
Tun hnaiah damdawi ti thar mi 30 vel an awm belh a, Damdawi ti zingah hian khawtlang leh Kohhran-in pangngai tak anga an en
an awm nual bawk. Hei bakah hian, Champhai khawpui chhungah mipa leh mipa
inkawp mi 60 leh hmeichhe inzuar mi 100 vel an awm bawk niin zirchianna chuan a
sawi.
Champhai Sub-Hqrs. YMA
Kumpuan Committee hian, kumin 2026 chhung ringawtin, ruihhlo, Methamphetamine
Kg 24, Heroin hawng 10 leh Zu litre 200 chuang an man tawh a. Ruihhlo
kaihhnawih-a an man mi 10 te chu Lung inah dah luh an ni a, mi 38-te chu Home-a
dah luh an ni bawk.
He thu hi nimina
Champhai Sub-Hqrs. YMA-in Champhai khawpui chhunga Kohhran hrang hrang
Pastor-te leh Kohhran hruaitute ko khawm a, ruihhlo chungchang an sawihona,
Champhai Sub-Hqrs. YMA Zawlbuka neih-ah tarlan a ni. Inkhawm hi Champhai
Sub-Hqrs. YMA President, Pu PC Lalrawnliana’n a kaihruai a ni.
LBGTQ te chungchang
hi, Kohhran leh NGO, a bik takin YMA leh MHIP te hian an vei tak tak a hun
tawh. Sorkar hi chu an thuneihna sang viau angin a lang naa, Thil sual an ti
ngei a ni tih an hriat emaw, an rinhlelh chian viau (report an dawn avangin) a
nih loh chuan, Mipui-vantlang mimir (citizen)-te chungah hian tihtheih an nei
tlem viau mai.
Kohhran leh NGO te
erawhchuan, Nu & pa leh thenawm-te kaltlangin, thil dik lo leh fello awm hi
an hre zung zung a. Sorkar lam angin thuneihna leh tih theih (man theihna leh
dap theihna) nei lo mah se, Ram tana thiltha an tihna kawngah hi chuan Sorkar
pawh hian, a ring takwin, innghah nan ber a hmnag hial zawkin a lang.
Chuvangin, Kohhran leh
YMA, MHIP te tang lehzual ila, mahni Branch, mahni Area leh mahni theihna mual
mualah chuan, theihtawp i chhuah zel ang u.
0 comments :
Post a Comment