MZP-IN NEET-UG EXAM QUESTION PUT RU DEMNA LANTIR NAN VANAPA HALL KAWT-AH PEACE PROTEST NEI DAWN

MZP-IN NEET-UG EXAM QUESTION PUT RU DEMNA LANTIR NAN VANAPA HALL KAWT-AH PEACE PROTEST NEI DAWN

><}}> Dr. John, 21.07.26

Thutkhawm hi vawiin khan MZP Conference Hall-ah neih a ni a, NEET-UG Exam zawhna puat ru chungchang bakah, Special Intensive Revision chungchang te, UG Gold Medalist chawimawi chungchang leh MZP rorelna sang ber MZP Assembly 2026 neih tur chungchangte rel a ni.

MZP Executive meeting chuan, NEET-UG exam zawhna put ru avangin India ram pum huapa zirlai tam takin harsatna tawkin, mi tam takin nunna hial an chan chu pawi an tih thu an tarlang a, Mizo zirlai sang chuang fe-in an tuar tel ve tih an tarlang bawk.

Zawhna put ru avanga harsatna thleng mek demna tihlan nan te, hun lo kal tura zirna kalphung felfai zawk a awm theihna tur te, exam kalphung thianghlim zawk a awm theihna tur leh zirlai rilru thianghlim tak tak ten hetiang thila harsatna tawk an awm tawh lohna turin, MZP General Headquarters bul tumin July 23 chawhma dar 11 hian Vanapa Hall kawtah Peaceful Protest nei turin ruahmanna siam a ni.

MZP THUCHHUAH

Vawiin July ni 21, 2026 (Thawhlehni) tlai dar 4:30 PM khan, MZP chuan National Eligibility cum Entrance Test (NEET) Exam Question paper leak chungchang hmalak dan tur ngaihtuahin Emergency meeting a ko a. Meeting-ah hian College SU Leaders, Bar Council leh Institutions hrang hranga zirlaite an kalkhawm a ni.

Meeting chuan, July ni 23, 2026 (Ningani) chawhma dar 11:00-hian Vanapa Hall kawtah  punkhawm nise tiin a rel a ni.

He hunah hian Mizoram chhunga zirlai zawng zawngte lo tel vek turin MZP chuan a sawm tak meuh meuh a ni.

Sd/-

GS

MZP-GHQ