PRALHAD JOSHI CHU UNION EDUCATION MINISTER ATAN PRESIDENT-IN A RUAT
><}}>
Dr. John, 27.07.26
President Droupadi
Murmu chuan, Union Education Minister atanga Dharmendra Pradhan-a’n July 25,
2026, chawhnu dar 2:26 PM-a banna a thehluh chu a pawmsak hnu-in, a hmun luah
tur hian, Union Minister Pralhad Joshi chu Union Education Minister thar atan a
ruat nghal a, Joshi hian July 26, 2026, dar 12:36 PM khan charge hi a la nghal
a ni. Joshi hi a minister chanpual neih sa chelh chhunzawm zel chungin Ministry
of Education mawhphurhna hi pek belh a ni. Joshi hian tun dinhmunah, Minister
of Consumer Affairs, Food & Public Distribution leh New & Renewable
Energy hna a chelh mek bawk a, ministry dang te nen Education Ministry hi a
chelh kawp dawn a ni.
Pralhad Joshi hi
Karnataka State, Dharwad bial atanga BJP Lok Sabha MP atana thlan tlin kha a ni.
November 27, 1962 khan, Bijapur khua, Karnataka State-ah a piang a. Joshi Pa hi
Indian Railways-a thawk niin, an fa 3-na (an te ber) a ni. Hubballi khuaah School
lut tanin, Railway School ah primary thleng a zir a. New English School-ah
Class 12 thleng a zir hnu-in, Shri Kadasiddeshwar Arts College atangin a
Graduate ve thung a ni.
He Minister thlak
danglamna hi India ram chhunga zirna leh exam chungchang buaina a awm hnuah
Cabinet hmalakna pawimawh tak pakhat a ni a. Sorkar chuan zirna lam hmasawnna
leh education ministry hnathawh kalpui mek zel chu chak takin hma a la
chhunzawm dawn tih a sawi a ni.
NEET-UG Zawhna leak out
avanga Coakroach Janta Party hmalaknaa, NEET-UG Exam Paper leak avanga India
rama zirlai thahnem takin New Delhi-a Jantar Mantar-a Protest neia an thil phut
pakhat, Union Education Minister Dharmendra Pradhan bang tura an nawrna chu a
tawp a tawpah chuan, Sorkar laipuia BJP Sorkar chuan harsa ti tak chungin a tihlawhtling
ta a, Union Education Minister Dharmendra chu a bang ta nge nge a ni.
He thil thleng tur
hian, India rama zirlai tam tak ten, an tha leh zung, hun, sum leh pai, hliam
tawrhna leh vuakna an tuar a, a man an pek hi a nasa ve hle a ni. Chumai chu
nilovin, CJP hruaitute leh Sonam Wangchuk te hmalakna chuan India mipuite thinlung
a khawih a, a hneh hle a ni ber e.
Zirlaite hmalakna leh
an tawrhna hi a nasa hle a. Hemi bakah hian, NEET-UG Exam Paper leak avanga
Zirlaite hmalakna leh tawrhna chungchanga, Surya
Kant, Chief Justice of India-in tawngkam
mawi lo tak a chhahchhuah, "Thalai
hnathawh nei lo te hi Chukchu ang mai an ni. Hnathawh eng mah an nei lova, Hna
tha an thawh theih zawng hi awm pawh a awm lo. Hemi avang hian thenkhat chu, media
lamah an in hmang a, social media hmang tangkaiin, RTI activist leh activist
dang dangah an chhuak a, an hmuh apiang an bei thin" ("There are
youngsters like cockroaches, who don't get any employment and don't have any
place in the profession. Some of them become media, some of them become social
media, some of them become RTI activists, some of them become other activists,
and they start attacking everyone") a tih leh, “Kan hun min khawhralsak suh u,
in video evidence te hi awmzia a awm lo. In video te en tur hian hun kan nei
lo” (not to “waste” the court’s time. “We are not interested in videos. We
don’t have time to watch them,”) a tih te chu, India rama Zirlaite thinlungah
hian a cham reng tawh ang a, history tha lo tak Chief Justice of India khan a
hnutchhiah kha a pawi hle a ni.
CJP leh zirlaiten
Protest-a an thil phut dang te hi, eng angin nge Sorkar laipui hian a tihhlawhtlinsak
dawn tih erawhchu kan la hre rih lo.
0 comments :
Post a Comment