LIRTHEI DAN BAWHCHHIA 5,388 MAN TAWH
><}}>
Dr. John, 27.07.26
Aizawl City Traffic
Police te chuan, January-June, 2026 inkar chhung khan Aizawl khawpuiah lirthei
dan bawhchhia 5388 an man a, dan bawhchhe zinga a tam ber (lawr lak) chu Two
wheeler an ni.
Aizawl City Traffic
Police chhinchhiah danin, lirthei dan
bawhchhia an man 5,388 zinga 3,733 hi Two wheeler an ni a, hei hi kum
chanve chhunga lirthei dan bawhchhia zawng zawng atanga chhutin 69.28% lai a
tling a ni. Lirthei dan bawhchhia an man dang te hi LMV -1125, Taxi - 291, HMV
184, Bus - 42, MMV - 8 leh a dang 5 te an ni.
Lirthei dan bawhchhia
an man atanga sum chawi tlingkhawm hi Rs. 60,99,300/- a ni.
Aizawl City Traffic
Police Chhinchhiahna atanga a lan danin, a hmun lova lirthei dah (no parking)
vanga dan bawhchhiatna tam berin, lirthei 994 man a ni a. Dan bawhchhiatna dang
te chu license nei lova lirthei khalh 387, Helmet khum lova Two wheeler khalh
386, No entry bawhchhia 343, No turning (Phal lohna hmuna kual ru) 240,
Air/Noise Pollution 228 leh Wrong side Traffic 221 te an ni.
India ram leh Khawvel
danga Traffic Discipline-a Mizo-te kan hming that viau lai hian, a ruk kan
awmdan leh kan dinhmun dik tak hi a lungchhiatthlak hle! Lirthei neitu leh
Lirthei khalh ten, kristian kan nih ang leh Zonunzemawi kan mawipui thin kha
hre rengin, dan zawm chungin lirthei i khalh ang u.
0 comments :
Post a Comment