LENGPUI AIRPORT RAM ZANGNADAWMNA PEK CHUNGCHANGAH COURT-IN CHHANNA PE TURIN MIZORAM SORKAR HRIATTIR

 LENGPUI AIRPORT RAM ZANGNADAWMNA PEK CHUNGCHANGAH COURT-IN CHHANNA PE TURIN MIZORAM SORKAR HRIATTIR

><}}> Dr. John, 28.07.26

Nimin July 27, 2026 khan, Lengpui Airport rama zangnadawmna pek a nih chungchangah Gauhati High Court, Aizawl Bench chuan, chhanna pe turin Mizoram Sorkar a hriattir.

Gauhati High Court Aizawl Bench chuan Indian Air Force (IAF) in Lengpui Airport tana ram a lei, ram compensation pek chhuah chungchanga Citizen Alliance for Truth and Justice (CATAJ) ten PIL-an thehluh chu vawiin khan an ngaihtuah a, ram neitu dik tak ni lo mi pahnih hnenah zangnadawmna hi eng vanga pe nge an nih leh, engti anga pe nge an nih chungchang fiahna thehlut turin Mizoram sawrkar a hriattir.

JC Lalnunsanga, Advocate in Record, Supreme court in a tar lan danin, he thubuai hi Justice Michael Zothankhuma leh Justice Budi Habung te thutna Division Bench chuan an ngaihtuah a. IAF-in a ram an lei zau zawng hi a vaiin 110 acres niin, Rs. 1,98,78,55,155 in an lei a. Hei hi zangadawmna dawngtu pakhat Rohmingliana hnenah Rs. 69,99,60,000 pek niin, dawngtu dang Henry Lalremsanga Hlawnmual hnenah Rs. 1,17,90,26,34 pek a ni bawk.

He ram hi a tirah chuan VC Pass-a neih a ni a, a hnuah LSC-ah chan tirin, May ni 9, 2005 khan mi parukin Rohmingliana hnenah an hralh anga chhinchhiah a ni a; mahse, he hralhna sale deed hi dan ang takin a register lo tih tar lan a ni. LSC neitu dik tak zinga mi pathum K. Lalduha, H.L. Samuel leh Ramfangzauva te chuan he ram an hralh lai hi an hriatpui loh thu leh, an VC Pass chu LSC-a chantir a nih dan pawh an hriatpui loh thu an sawi bawk.

He thubuai Citizen Alliance for Truth and Justice (CATA) and Anr. vs. Union of India & 15 Ors (PIL/3/2026)-ah hian petitioner-te aiawhin Adv. Joseph Lalchhanhima Renthlei a ding a, sawrkar aiawhin Addl. AG Linda L. Fambawl a ding a ni.

Indian Air Force (IAF)-in Lengpui ram a laknaah zangnadawmna cheng vbc 198.78 pek chungchang chu vawiin July 27, 2026 Thawhtanni hian Gauhati High Court Aizawl Bench-in a ngaihtuah a; ram neitu dik tak ni lote hnena pawisa pek a nih chhan sawifiah turin Mizoram sawrkar a hriattir.

 Court order-a a lan danin, IAF tana Lengpui ram lak chungchangah hian Citizen Alliance for Truth and Justice (CATAJ) chuan High Court-ah PIL an thehlut a; CATAJ aiawh hian Dr JM Vanlalhriata, Mission Vengthlang leh Rev. Zaidarhzauva, Mission Veng ten an thehlut a ni.

 CATAJ-in petition an thehluh hi Justice Michael Zothankhuma leh Justice Budi Habung te thutna Gauhati High Court Division Bench chuan vawiin khan an ngaihtuah. Bench chuan, sawrkar chu ram neitu ni lo mi pahnih hnena zangnadawmna pek a nih theih dan sawifiah turin a hriattir a, eng tianga pe nge an nih tih sawifiah turin a ti bawk.

 Court-ah hian thubuai thehlutte tan ukil Joseph Lalchhanhima Renthlei a ding a, sawrkar tan Addl Advocate General Linda L Fambawl a ding. Thubuai hi August 25, 2026-ah ngaihtuah leh a ni ang.

IAF tana Lengpui ram lak/leiah hian IAF chuan zangnadawmna Rs 1,98,78,55,155 a pe. Sum dawngtu Rohmingliana'n Rs 69,99,60,000 a dawng a, Henry Lalremsanga Hlawnmual-in Rs 1,17,90,26,34 a dawng bawk. IAF-in ram an lei zau zawng chu acre 110 vel a ni.

 Ram hi a tirah chuan VC Pass a ni a, a hnuah LSC-ah chantir a ni. Ramte chu mi parukin May 9, 2005 khan Rohmingliana hnenah an hralh anga chhinchiah a ni a, mahse, sale deed erawh dan anga register a nih loh thu tarlan a ni.

 Thubuai hi August 25, 2026 khian ngaihtuah leh a ni ang.