'RO MIN RELSAK ANG CHE' TIH HLA CHU ‘HNAM HLA’ ATAN RESOLUTION PUT LUH TUM

'RO MIN RELSAK ANG CHE' TIH HLA CHU ‘HNAM HLA’ ATAN RESOLUTION PUT LUH TUM

><}}> Dr. John, 3.8.26

Chief Minister Pu Lalduhoma chuan, Assembly Session neih hunah 'Ro Min relsak ang che' tih hla chu, Mizo Hnam Hla atan resolution a put luh an tum thu a sawi.

 

Tun hnai khan Tlangnuam chuan India ram huapa Futsal Inelnaah Champion an nih an lawm a, he hunah hian Khuallian Pu Lalduhoma chuan, Hnam Hla atana an put luh tur chu a tlang ngei pawh a beisei thu a sawi a, an pawm a nih chuan hla sak laia awm dan tur pawh ngaihdan an nei lawk tawh tih sawiin, ding chunga sak tur niin, Hnam Hla sak lai chuan kut lehlamin awm khawih ni se, a tih thu a sawi bawk.

 

Larsap General (Rtd) Vijay Kumar Singh a’n Mizoram Legislative Assembly fur thutkhawm chu August ni 25 ah a kova. Assembly thuneitute sawi danin, Speaker Pu Lalbiakzama kaihhruai Assembly Business Advisory Committee (BAC) chuan Assembly fur thutkhawm chhunga tih tur hrang hrang bakah, a hun chhung an la rel dawn a ni.

 

Tun dinhmunah, Mizoram Legislative Assembly-ah hian member 40 awmin, rorel lai Zoram People’s Movement chuan, Member 27 an nei a, eptu party Mizo National Front chuan member 10 neiin, BJP in member 2 bakah, Congress atangin Member  1 a awm bawk a ni.