CID-IN MIZO IAS OFFICER PU L. KHIANGTE THU AN ZAWTFIAH
><}}>
Dr. John, 4.8.26
Jharkhand Public
Service Commission (JPSC) Chairman atanga báng ta Pu Lalbiaktluanga Khiangte (L
Khiangte) chu vawiin August 3, 2026 hian Jharkhand CID-te'n darkar 7 vel chhung
thu an zawtfiah.
JPSC-in tun hnaia exam
hrang hrang a buatsaihah thil dik lo tam tak a awm nia sawi a ni a, hei vang
hian thalaite/zirlaite chuan JPSC hi chhui an phût. JPSC chu dik taka chhui a
nih theih nan Chairman Pu L Khiangte chuan July 22, 2026 khan bànna a thehlut a
ni.
PTI tarlan danin, Pu
Lalbiaktluanga hi Jharkhand CID chuan vawiin August 3 khan an office-ah darkar
7 vel chhung thu an zawtfiah a, chawhma dar 11 vela CID Office-a a lut chu tlai
dar 6 velah a chhuak chauh a ni. CID-te hian vawiin vek khan Ranchi, Palamu,
Hazaribagh, Bokaro leh Dhanbad-a hmun 18 an dap bawk.
CID hian Pu L Khiangte
hi July 28 khan darkar 9 vel chhung, July 29 khan darkar 8 vel chhung leh July
31 khan darkar 8 vel chhung thu an lo zawtfiah tawh a ni.
1988 batch IAS officer
Pu Lalbiakthanga Khiangte hi Jharkhand Chief Secretary a nih hnuah nikum 2025
tir khan a pension a, February 2025 khan JPSC Chairman atan ruat nghal a ni.
Tun hnaiah JPSC-ah thil dik lo tam tak a awm nia sawi a ni a, hei vang hian
July 22, 2026 khan bànna a thehlut a, July 23 atangin CID-in an chhui zui
nghal.
CID chuan mi 11 an man
tawh a; Combined Civil Servies Competitive exam July 25-27 chhunga neih tur chu
sawn hlat a ni tawh bawk.
0 comments :
Post a Comment