KOLASIB COURT CHUAN MAHNI FANU NGEI HNAMDANG TRUCK DRIVER-TE LEH MIDANGTE HNENA NAWHCHIZAWRH LUIHTIR THINTU HREMNA TUR ORDER A TICHHUAK

 KOLASIB COURT CHUAN MAHNI FANU NGEI HNAMDANG TRUCK DRIVER-TE LEH MIDANGTE HNENA NAWHCHIZAWRH LUIHTIR THINTU HREMNA TUR ORDER A TICHHUAK

><}}> Dr. John, 7.8.26

Kawnpui Police-te chuan thil thleng avang hian mawhphurtu ber nia hriat Lalbiakengi (kum 42), Kawnpui leh Indra Bahadur Bandhari Chhetri (kum 80) an man a, Police-ten he thil thleng an chhui chiannaa a lan dan chuan Lalbiakengi hian pawisa leh zu a duh avangin a fanu kum tling lo chu hnam dang lakah a inzawrh luih tir thin a ni.

Thil sual titu hi BNS Section 96 hnuaiah hremna pein kum 5 chhung Jail tang tura tih a ni a. Section 98-na hnuaiah kum 5 dang Jail tang tura tih a ni bawk bakah, kum tling lo hnena ruihtheih thil - zu a in luihtir thin avangin thil sual titu Lalbiakengi hi Section 77 of JJ Act hnuaiah kum 2 dang jail tang turin a ti bawk.

A fanu kum tling lo hnam dang laka inzawrh luihtir thintu court-in kum 12 tang turin hrem

Kolasib Fast Track Court Judge R. Vanlalena chuan pawisa leh zu duh vanga a fanu hnam dang truck driver leh railway kawng hna thawk hnena inzawrh luihtirtu chu kum 12 jail tang turin a hrem.

August ni 5, 2024 ah khan Kawnpui nu pakhatin Kawnpui Police Station-ah FIR a theh lut a. FIR theh lut tuin a sawi danin a tunu kum tling lo chu amah hringtu nu ngeiin January 2023 leh July 2024 inkarah khan pawisa leh zu duh vangin a inzawrh luihtir thin niin a sawi a ni.

Kawnpui Police chuan an chhui nghal a, he thila mawhphurtu ber nia hriat Lalbiakengi kum 42 mi, Kawnpui khua leh Indra Bahadur Bandhari Chhetri kum 80, Kawnpui Kutbul ram thlam vela che tla thin chu an man nghal a. Naupang kum tling lo nu hian pawisa leh zu a duh avangin a fanu chu hnam dang truck driver leh railway kawng hna thawktu te hnenah Rs. 500 leh zu in tur hlawh turin tum eng emaw zat a inzawrh luihtir thin tih hriat a ni.

Thubuai hi Kolasib Fast Track Court chuan rel nghalin, thuhretu mi 7 thu zawh fiah an ni a. Thuhretu (witness) te zingah hian hmeichhe tleirawl ngei pawh hi thu zawhfiah a nih bakah finfiahna hrang hrang, Doctor report, FIR theh luttu thu sawi, thubuai chhuitu police officer leh amah puibawmtu te thusawi chu Kolasib Fast Track Court Judge R. Vanlalena'n ngun taka a ngaihthlak hnuah a fanu inzawrh luih tirtu hi thiam loh a chantir a ni.

BNS Section 96 hnuaiah kum 5 chhung lung in tang tura tih a ni a, BNS Section 98 hnuaiah kum 5 dang jail tang tura tih a nih bakah kum tling lo hnena zu a in luihtir thin avangin JJ Act hmangin kum 2 chhung jail tang turin a ti bawk a. Hremna hi a mal te tea chhiar tur niin a tan hun chhung tur chu kum 12 a ni.

Court chuan Rs. 15,000 chawi turin a ti bawk a, a sum chawi tur hi a pe duh lo emaw, a nei lo emaw a nih chuan thla 6 dang a tan belh a ngai dawn a ni. He thubuaia inhnamhnawiha puh Indra Bahadur Bandhari Chhetri chu February ni 3, 2025 ah khan a thih avangin a thubuai tihtawp a ni.

Kolasib Fast Track Court-in a fanu kumtling lo nawhchizawrh tirtu tang turin a hrem...

Kolasib Fast Track Court thuremnaa tarlan a nih danin, August 5, 2024 khan Kawnpui nu pakhakin Kawnpui Police Station-ah FIR a theh lut a, a sawi danin, a tunu kumtling lo chu amah hringtunu ngeiin January, 2023 leh July 2024 inkar khan pawisa leh zu duh vangin a inzawrh luihtir thin niin a sawi a ni.

Kawnpui Police chuan an chhui nghal a, he thila mawhphurtu ber nia hriat nutling kum 42, Kawnpui khua leh midang pakhat Indra Bahadur Bandhari Chhetri (80), Kawnpui Kutbul ram thlam vela che tla thin chu an man nghal.

Police-ten he thil thleng an chhui chiannaa a lan danin naupang kumtling lo nu hian pawisa leh zu a duh avangin a fanu chu hnamdang truck driver leh railway kawng hna thawktu te hnenah Rs. 500 leh zu in tur hlawh turin tum eng emaw zat a inzawrh luihtir thin tih hriat a ni.

Thubuai hi Kolasib Fast Track Court chuan rel nghalin, thuhretu mi 7 thu zawhfiah an ni. Thuhretute thusawi, doctor report, FIR thehluttu thu sawi, thubuai chhuitu police officer leh amah puibawmtute thusawi chu Kolasib Fast Track Court Judge R. Vanlalena chuan vawiin (6.8.2026)  thutlukna siamin, a fanu kumtling lo inzawrhluih tirtu hi thiam loh a chantir.

BNS Section 96 hnuaiah kum 5 chhung lung in tang tura tih a ni a, BNS Section 98 hnuaiah kum 5 dang jail tang tura tih a nih bakah kum tling lo hnena zu a in luihtir thin avangin JJ Act hmangin kum 2 chhung jail tang tur tih a ni. Heng hremna hi a mal te tea chhiar tur niin a tan hun chhung tur chu kum 12 a ni.

Hei bakah hian court chuan Rs. 15,000 chawi turin a ti a, a sum chawi tur hi a pe duh lo emaw a nei lo emaw a nih chuan thla 6 dang a tan belh a ngai dawn a ni.

He thubuaia inhnamhnawiha puh Indra Bahadur Bandhari Chhetri chu February 2025 khan a thih avangin a thubuai tihtawp a ni