MZP-IN MPSC KALPHUNG SIAMTHAT DUH VANGIN PISA KAI TUR DANG- HMA LAK ZEL AN TUM

MZP-IN MPSC KALPHUNG SIAMTHAT DUH VANGIN PISA KAI TUR DANG- HMA LAK ZEL AN TUM

><}}> Dr. John, 10.8.26

Mizo Zirlai Pawl (MZP) General Headquarters chuan, Mizoram Public Service (MPSC) kalphung siamthat nawrna ni hnih an neih hnuah, an thil phutte tihhlawhtlin a nih loh avangin MPSC pisa kai tur vawiin August 10 khan khan an dang.

 

MZP President Dr. C. Lalremruata chuan, Mizoram Public Service Commission (MPSC) zahawmna a tlakhniam nasat avang leh Thalaiten MPSC laka an rinna a tlakhniam em avanga MPSC kalphung siamthat hnatlang an koh thu sawiin, ni 2 awh tharum tellova lungawilohna lantirna an huaihawt hnuah, an thil phut ang te tih hlawhtlin a nih loh avangin MPSC pisa kai tur hi an dang ta a ni, a ti.

 

Zirlai te leh Thalaiten, an thil phut hi MPSC leh Mizoram Sorkar-in a tihhlawhtlin sak hma chuan lungawilohna hi lantir chhunzawm zelin, MZP General Assembly thulh ngai khawpa hmalak an ngai a nih pawhin, an thil phut hi nawr chhunzawm zel an tum thu an sawi.

 

MZP President chuan, MPSC pisa kai tur an dan tur an hriat avangin, MPSC Chairman chuan an thilngiatte sawiho turin MZP-te a sawm, tih sawiin, hetihlai hian MZP hruaitute chauh ni lo, MPSC-a hna diltu aiawhte leh College SU hruaitute tello chuan an sawihopui theih loh tur thu an hriattir nghal a ni, a ti.

 

Vawiin August 10-a MZP te lungawilohna lantirnaah, MPSC hotute pisa kai tur dannah hian hun engemaw chhung chu police te nen an innawr hman a, amaherawhchu thil duhawm lo lian tham erawh a thleng lo a ni.

 MZP-in MPSC kalphung siamthat hnatlang an neih mekah hian, MPSC-a thawktute pisa kai tur an dan chu, chawhnu dar 1:00 PM-ah an tin ta rih a. Naktuk dar 8:00 AM atangin pisa kai tur dan hi chhunzawm leh an tum a ni.

 MIZORAM PUBLIC SERVICE COMMISSION (MPSC) IN A KUM 1 CHHUNGA A TIH DIK LOH LANGSAR ZUALTE:-

 1.  MCS (Combined Competitive) Main exam February ni 9, 2026 result tihchhuah ah khan Document lem hmanga  tling an lo awm tawh a ni.

-MPSC lam   thuneitute  chuan   Document   an   check   hman   vek  loh  thu   leh document lem an verify hman loh thu an sawi. (Document lem hmanga   tling engzat tak awm tawh ang maw)

 2.  Junior Grade of MES (Combined competitive) Examination : Result hi May ni

5, 2026 a result a tihchhuah takah, Electrical & Electronical Engineering wing Post

7 turah Post 8 anga chhuah  a ni. Corrigendum MPSC lamin an siam bawk. Candidate  thusawi- Written result  chhuah  hmain, post 8 nilo in post 7 tur a nilo ami tiin  zawhna  MPSC thuneitute bulah sawiin, a dik thu an lo hrilh a ni.

 3.  District Social  Welfare Officer (DSWO) : Applicants  300 chuang awmin, Exam hi zirlai 79 chiah awmin, Post 2 lak turah merit list zinga 7 Interview tura an koh an nih hnuah, OTR fel fai loh avang leh chiang taka documents submit  tel tur a in tarlan loh avangin, mi 4 reject an ni.

 4.  Inspector of Statistics : January ni 20, 2026 ah exam a ni a, Written result a tling tawh mi 2 te chu OTR avang bawka buaina neiin, reject an ni.

 5.  Sub- Inspector of Police (UN-ARMED) : March ni 17 , 2025 khan written exam neih a ni a, cut off mak pha ni a in hria ten Controller of Examinations(COE) hmuin, rei tak nghah hnuah  OTR hmanga  vawi 1 an document an submit  tawh an rin thu alo hrilh  a, candidates ten edit request dilin, an edit hnuah  pawh  pawm  sak an nilo. Candidates 2000 chuang awmin, Physical paltlang  700 an awm a, Interview tura koh hi 50+ an ni bawk. Zirlai 600+ in buaina an tawk a ni. Hnalak tur dang la exam loh zawng zawng pawh edit request a siam that tawh hnuah  pawh tumah pawm sak an ni chhunzawm  lo zel bawk a ni.

 6.  Junior Grade of MAH & VS : April ni 27, 2026 khan written result  tihchhuah a ni a, hna diltu mi 101 awmin, zirlai 74 ten exam an hmachhawn a, Post 4 lak turah mi 3 chauh an tlang a, mi 71 te chu reject an ni.

-MPSC lam chuan  Advertisement-ah pawh  a tarlan nilo, Others  a submit  tur  tih pawh  awmlo, Veterinary Council Registration an upload  loh vang anih thu an lo hrilh  a, thehluh na tur  ni miahlo  a thehlut mi 1 an ti tling bawk. Court-ah  kalin hnehna an chang a, MPSC chuan a khing let bawk.

 7.  Motor Vehicle  Inspector :  July  ni  10,  2025  ah  MVI under transport dept advertisement tih chhuah  a ni a, September ni 8, 2025  ah  mi 47 reject  an ni a, BE/BTech nei, diploma  neih  loh avangin, reject  chhan  hi recruitment rules-ah qualification ah diploma  in mechanical/automobile engineering an tih vang a ni. He Recruitment rules hi 2006 a siam a nia, he mi hmang vek hian 2009, 2013 leh

14 ah te MVI an recruit in BE/B. Tech holder  te lak an nia service mek awmin, a then chu DTO leh assistant director of transport hial a promotion tawh te an awm bawk. MPSC chuan reject chhanah transport dept lamin RR a an duh dan an ti a, Transport dept lam erawh  chuan mak an lo ti hle a ni. (Court case  ala awm mek bawk.)

 -   Document verify hmanlo- MPSC

-   Written leh Physical tih hmaa document check hmanlo- MPSC

-   OTR Instructions pe fel fai theilo- MPSC

-   Zirlaite dawt hrilh hreh lo- MPSC

-  REFORM a nih loh chuan zirlai leh hnazawng mekte hian kan ring zel dawn em ni.

-  MPSC in  kan indaih lo  an ti a,  nawrtu an awm meuh chuan Saturday chhungin awlsam tein Notification 3 lai an chhuah hman thung si.

-   Kum  1  leh   thla  2  chhungin siamthat  leh   belhna  (Corrigendum  leh

Adendum) vawi 30 chuang an chhuah tawh.

-  MPSC lamin Court Case nghah an ti a, court case hi an ngai pawimawh tawklo nge,  Court case la awm mek  MVI hnalak Advertisement May ni 8,

2026 khan an chhuah leh bawk a ni.

-  OTR 2.0 hman tawh hnua exam, edit tha vek tawh reject an la awm teuh bawk.

 Heng anih lai hian Asst. & UDC (Combined) leh Mizoram Engineering Service (MES) –

ah chuan Document Physical Verification neih pui leh tho an ni.

 A in khai rual kan tiin fair kan ti reng em ni?

 Document lem siam tum leh hnazawng an awm belh chho zel mai a ngem?