PRIME MINISTER NARENDRA MODI CHUNGCHANG POST SIAM VANGIN META INDIA HOTU THUBUAI SIAMSAK
><}}>
Dr. John, 3.8.26
Cockroach Janta Party (CJP) bultum-a NEET Exam paper leak duh lohna lantira nawrh huaihawt a nih laia Prime Minister Narendra Modi beihna, Facebook leh Instagram lama post a nih chungchangah Meta India hotu, Arun Srinivas chu thubuai siamsak a ni. Ani bakah Facebook leh Instagram account eng emaw zat thubuai hi siamsak an ni bawk.
Hyderabad Cybercrime
police chuan mi pa 2-in complaint an theh luh behchhanin, Social Media platform
hrang hranga PM Modi thlalak leh video siam a, sawi chhiatna hrang hrang theh
darh a nih avangin thubuai hi an ziak lut a ni.
Complaint thehluttu-te
chuan, thu dik lo thehdarh a, mipui rilru hruaikawia vantlang buaina chawk
chhuak thei zawnga comment tam tak a awm a ni tiin, ram hruaitute zahawmna
tibawrhbang a, vantlang inpumkhatna tihchhiat tumna a nih thu an sawi. Nawrh
huaihawt laia ṭawngkam mawi lo leh uchuak taka post
leh comment hrang hrangte chu chhui chian mek an ni.
Delhi police-te chuan
nawrh huaihawt laia Social Media platform eng emaw zata PM Narendra Modi
chungchang mawi lo leh deuhsawh taka an post leh video an dahte la thla turin
mi eng emaw zat an lo hriattir tawh bawk a ni.
0 comments :
Post a Comment