DOCUMENTS LEM SIAM CHUNGCHANG-A LAWNGTLAI BAWRHSAP THUCHHUAH

DOCUMENTS LEM SIAM CHUNGCHANG-A LAWNGTLAI BAWRHSAP THUCHHUAH

Document dik lo pe chhuak leh sumdawn nana hmang an awm, FIR theh lut zel dawn - Lawngtlai District Magistrate

><}}> Dr. John, 4.8.26

Pu Donny Lalruatsanga, DC leh District Magistrate, Lawngtlai District chuan, Dan kalh-a Documents siam chungchangah a hnuaia tarlan ang hian Thuchhuah a siam-

 

DOCUMENT LEM SIAM CHUNGCHANG

No.J.11013/2/2026-DC(LTI):

 

Lawngtlai District chhungah heng document (Birth Certificate, Tribal Certificate, Permanent Residential Certificate) lem (fake) siam dik lo taka pekchhhuah leh sumdawn nan a hmang an awm tih hriat a ni a. Chuvangin, mipuiten document diklo hmanga zirna sikulah emaw, scheme hrang hrang leh sorkar hnuaia hamthatna hrang hrangte dawn tum nan a lo hman tum te kan awm anih chuan hmang lo turin kan in ngen nghal a ni. Chutiang thil ti te chu dan anga hrem theih an ni a, Lawngtlai District chhungah tumahin Document lem hman leh siam phal a ni lo tih kan in hriattir nawn e.

Document siam tute lakah leh Document lem kawltute lak ah FIR thehluh zel a ni ang.

 

Hetiang thil diklo laka fihlim turin mipuite kan in ngenin kan in hriattir a, hetiang man te chu BNS Section 335 anga action lak a ni ang.

 

Sd/-  

DONNY LALRUATSANGA,

District Magistrate,

Lawngtlai District, Lawngtlai.

Document dik lo pe chhuak leh sumdawn nana hmang an awm, FIR theh lut zel dawn - Lawngtlai District Magistrate

Lawngtlai District Magistrate chuan niminah khan thuchhuah siamin Lawngtlai District chhungah document dik lo siamtu leh a kawltute lakah FIR theh luh zel a nih tur thu a tarlang.

District Magistrate Donny Lalruatsanga chuan Lawngtlai District chhunga Birth Certificate, Tribal Certificate leh Permanent Residential Certificate (PRC) lem (fake) siam a, dik lo taka pek chhuah leh sumdawn nana hmang an awm tih hriat a nih thu sawiin, mipuiten document dik lo hmanga zirna sikulah emaw, scheme hrang hrang  leh sawrkar hnuaia hamthatna hrang hrangte dawn tum nana lo hman tumte kan awm a nih chuan hmang lo turin kan inngen nghal a ni a ti.

Lawngtlai District chhunga document dik lo siam leh hman phal a ni lo tih sawiin, document dik lo siamtu leh a kawltute lakah FIR theh luh zel tur a ni tih District Magistrate chuan a sawi bawk.

 Hriattirna chuan hetiang thil dik lo laka fihlim turin mipuite chu ngen an nih bakah, hetiang thil tih dik lo mante chu Bharatiya Nyaya Sanhita (BNS) Section 335 hnuaiah dan angin action lak an ni ang tih a tarlang