MPSC KAL DAN DUHTAWK LOHNA AVANGIN MZP-IN MPSC PISA KAI TUR DANG DAWN

MPSC KAL DAN DUHTAWK LOHNA AVANGIN MZP-IN MPSC PISA KAI TUR DANG DAWN

><}}> Dr. John, 8.8.26

Mizo Zirlai Pawl General Headquarters chuan Mizoram Public Service Commission (MPSC) chungchanga hmalakna kal zelah, thu leh hla engmah thuneitute hnen atanga hriat ala nih loh avangin August ni 10, 2026 (Thawhtanni) hian MPSC Pisa kai tur dan nise tiin an rel.

 

MZP chuan Zirlai leh thalai hna zawng mekte zawng zawng thawk chhuak turin an sawm a, Mizoram a hna la tu lian ber hi sawisel a kai chhunzawm zel loh nan a hmalaknaah hian tel tum vek turin an ngen a ni.

MZP-in MPSC-a thawktute pisa kai tur an dang dawn.

 7th August, 2026: MZP-in vawiin khan MPSC siamthat hnatlang chhunzawmin, MINECO-a MPSC pisa tualah an pungkhawm leh a, an tin hnuah MZP chuan an kal zel dan tur ngaihtuah nghali, Mizoram Public Service Commission (MPSC) chungchanga hmalakna kal zelah, thu leh hla engmah thuneitute hnen atanga hriat a la nih loh avangin karleh Thawhtanni (August ni 10)-ah MPSC-a thawktute Pisa kai tur dan ni se tiin an rel.

MZP chuan, he an hmalaknaah hian zirlai leh thalai hnazawng mekte zawng zawng thawk chhuak turin an sawm a ni.

MPSC-in Sorkar hna hrang hrang a laknaah hna diltuten harsatna hrang hrang an tawk thin tihreh a nih theih nan MZP chuan nimin leh vawiin khan MPSC siamthat hnatlang an huaihawt a, MINECO-a MPSC pisa tualah an pungkhawm a ni.

MZP hian Chief Minister leh MPSC Chairman hnenah lekha theh lutin, Chief Minister hnenah hian tun hnai chhoa MPSC hnalak tam taka buaina hrang hrang awm chu pawi an ti a, harsatna tawk tam tak an hnena tlan lutte pawh theih ang anga an lo puih thin thu an sawi a. Heng thil thleng avang hian thalai tam tak chuan MPSC-ah rinna an nghat ngam lo chho zel ni-a sawiin, DP&AR changtu a nihna angin, zirlai leh thalai hna zawng mekten a MPSC-ah rinna an nghah leh ngei theih nana hmala tur leh MPSC kalphung siamthat a nih ngei theih nan Reform committee/commission din sak turin an ngen a. MPSC Chairman hnenah hian One Time Registration (OTR) ti tawp a, need based in Specific application form siam tur te, OTR a document upload kim loh avanga reject zawng zawngte Offline-a document thehluhna hun siam sak tur leh Written exam-a tling tawh, OTR a document upload kim loh avanga reject tawhte tan offline a document submit-na hun siam sak turin an ngen a ni.