MSU-IN MPSC DUHKHAWP LOHNA LEH SIAMTHAT AN DUH TE CHIEF MINISTER HNENAH THLEN

MSU-IN MPSC DUHKHAWP LOHNA LEH SIAMTHAT AN DUH TE CHIEF MINISTER HNENAH THLEN

><}}> Dr. John, 10.8.26

Mizo Students' Union (MSU) hruaitute chuan vawiin khan Chief Minister Lalduhoma chu MPSC chungchangah an hmu, MPSC an duhkhawp lohna leh siamthat an duh lai te an thlen.

MSU chuan MPSC-in tun hnai kumkhat leh a chanve chhung hian tihsual siamthat-na (Corrigendum) vawi-16 chuang an chhuah a, he mi avang ringawt pawh hian MPSC hnalak danah felfai tawk lo awm nia a lan avangin zirlaite leh hna zawng mek ten harsatna an tawh te sut kian anih theih nan rawtna an thlen a, CM chuan an rawtna thlen te chu tha a tih thu leh bawhzui a nih tur thu a hrilh.

MSU-in Chief Minister hnena rawtna an thlen te:-

MPSC ONLINE - ONE TIME REGISTRATION (OTR) CHUNGCHANG:

1. Ni 10.08.2026 thlenga MPSC Online - One Time Registration (OTR) hmanga document upload tawh te chu (document lem a nih loh chuan) pawm sak vek ni rawh se

2. MPSC online a hna dilna submit tawh, OTR-a document submit kim lo palh awm te chu Offline/Office verification hmangin document endik sak leh nise, Document an neih kim chuan pawm sak ni se.

3. OTR hmanga hna dil tura in register tawh document upload kim lo zawng zawngte tan zau taka puangzar in kar hnih (2 weeks) chhung update theih hun hawnsak ni rawh se.

4. MPSC Online OTR hman mekah tihsual a awm tawh loh nan enthat a, tih changtlun ni rawh se.

5. MPSC hnuaia hna lak dan chhui chiangtu tur leh rintlak zawk a siam a nih theih nana rawtna siam tur High Level Inquiry Commission' din ni se; an hmuhchhuah leh rawtna te Mipui ah puanzar ni rawh se.

MPSC TIH-CHANGTLUN CHUNGCHANG:

1. Mizoram Public Service Commission (MPSC) ah hian Controller of Examination pahnih siam ni rawh se.

- Controller of Examination-I, in Group-A & Group-B Gazetted hna lak leh kaisan zawng zawng buaipui rawh se.

- Controller of Examination-II, in Group-B Non-Gazetted chin hnuailam hna lak leh kaisan zawng zawng buaipui rawh se.