MNF PARTY-IN CM PU LALDUHOMA CHU REMNA THUTHLUNG & INNER LINE PERMIT CHUNGCHANGA A THUSAWI SUT TURIN AN PHUT

MNF PARTY-IN CM PU LALDUHOMA CHU REMNA THUTHLUNG & INNER LINE PERMIT CHUNGCHANGA A THUSAWI SUT TURIN AN PHUT

><}}> Dr. John, 5.8.26

MNF Party-in Chief Minister Pu Lalduhoma chu, Remna Thuthlung leh Inner Line Permit chungchangah thu dik lo tak, ram leh hnam leh sakhaw tana him lo thu sawi-ah puhin, hnam pawikhawihna leh hnam himna tiderthawnga a sawi avangin mipuite hnenah ngaihdam dil ngei tur leh a thusawi chu tun thla ni 15 hmaa sut ngei turin an phut.

 

MNF thuneitu sang, National Core Committee, Political Affairs Committee leh MNF MLA-te chu, Nimin khan Hnam Runah an thukhawm a, thla liam ta, July ni 31-a Chief Minister Pu Lalduhoma'n Law College zirlaite hmaa a thusawi, Vanglaini Chanchinbu-a lo chhuak chungchang thlirlet-in an thukhawm a. Thutkhawmnaah hian, Chief Minister Pu Lalduhoma hian, Remna Thuthlung leh Inner Line Permit chungchangah thu dik lo tak, Mizoram, hnam leh sakhaw tana him lo sawiin, hnam pawikhawihna leh hnam himna tiderthawng zawnga thu a sawi avangin mipuite hnenah ngaihdam dil ngei tur leh a thusawi chu tun thla August ni 15 hmaa sut ngei turin an phut a, a thusawi hi MNF chuan pawi a tiin, a la thutak tak zet zet a, lungchhiatthlak an tiin, a tul anga hmalak chhunzawm zel a, Total Bandh neih thlengin ruahmanna an siam a ni.

 

Hemi chungchangah hian Vawiin August 5, 2026 chhun dar 12:00-ah MNF President-in Press mite hma-ah thupuan a nei dawn a ni.