AAI KUTA LENGPUI AIRPORT HLAN A HNAI - TECHNICAL LAMA INREMNA ZO TAWH
><}}>
Dr. John, 10.8.26
Airport
Authority of India (AAI)
hnena Lengpui Airport hlan turin Mizoram Sorkar-in hmalakna a kalpui mek zel a,
technical lama Inremna a fel thawkhat tawh nia thudawn a ni. Thudawnnain a sawi danin,
August 6 khan, AAI Technical Team leh Working Committee to Look into the
Maintenance & Management of Lengpui Airport Chairman, Adviser to Chief Minister
ni bawk, Pu TBC Lalvenchhunga te chuan Airport chungchangah meeting an nei a,
AAl kuta hlan chungchangah hian technical lamah chuan inremna a awm titih tawh
nia thudawn niin, inbiakna dang erawh hmachhawp a la awm nia thudawn a ni.
Working Committee to
Look into the Maintenance & Management of Lengpui Airport chu Pu TBC
Lalvenchhunga kaihhruaina hnuaiah November 18, 2024-ah din leh a ni a.
Committee hi enkawltu dang hnena Lengpui Airport hlan chungchang zirchiang leh
draft MoA buatsaih tura sorkar din a ni.
March 15, 2025 khan,
NGO Co-ordination Comittee (NGOCC)-a tel pawl hrang hrang- Central YMA, MHIP
leh MZP hruaituten Mizoram tlawha zin, Union Home Minister Amit Shah chu Raj
Bhavan-ah an hmu bawk a. Pawl hrang hrangte hian an ngaih pawimawh thil chi
hrang hrang an sawipui a ni.
An sawipui zingah hian,
Lengpui Airport tihchangtlunna tur sum
ruahmansak tur leh tichangtlunna tura ruahmanna siam turin an ngen a. Union home Minister hian tihchangtlun a duh
thu leh a ngaih pawimawh thu sawiin AAl-in a buaipui tur thu a lo sawi tawh a
ni.
Hetihlai hian March
16, 2026 Assembly Budget Session-ah Chief Minister Lalduhoma'n Lengpui Airport
chungchangah Indian Air Force (IAF) nen an indawr zui tawh lo tih a sawi a.
Chief Minister chuan Airport chungchangah IAF lam offer a tha a, AAl erawh an
offer a chhiat thu sawiin, "NGO leh Political party lamin AAl hnena hlan
zawk a tha an tih avangin IAF nen kan indawr zui tawh lo. Airport chungchangah
IAF nen kan inkarah thu engmah a awm tawh lo," a ti bawk.
August 6 khan, Chief Minister
hian, AAl hnena airport hlan thuai tura ngenna Union Home Minister Shah-a
hnenah a thlen a, a ngenna chu rang taka bawhzui a nih tur thu Home Minister hian
a lo hrilh a ni.
0 comments :
Post a Comment