NI THUM CHHUNGA NGAIHDAM DIL TURIN PRIME MINISTER NARENDRA MODI-IN META CEO MARK ZUCKERBERG VAU
><}}>
Dr. John, 7.8.26
Prime Minister-in
thalaite hnena a thusawi leh paper leak dona kawnga hmalakna a sawina reel
Facebook atanga paih (remove) rih a nih khan lungawilohna nasa tak a chhuak a,
BJP chuan Mark Zuckerberg chu ngaihdam dil turin an phut a ni.
Parliament Standing
Committee on Communications and Information Technology chuan Electronics and
Information Technology (Me itY) leh Home Affairs (MHA) Ministry te hnenah
lehkha a thawn a, Prime Minister Narendra Modi Facebook Reel tihbo rih
chungchanga Meta Chief Executive leh Co-Founder Mark Zuckerberg chu ni thum
chhunga ngaihdam dil tura an phutna an thlen nawn leh tih Committee Chairman
Nishikant Dubey chuan a sawi.
Parliamentary Panel Chief
Nishikant Dubey chuan, Mark Zuckerberg chu Meta hian IT Act Section 79 hnuaia
Intermediary te hnena pek thin 'Safe Harbour' humhimna chu a hloh thei tiin a
lo vau tawh bawk a ni.
Parliament chhunga Chanchinbu
mite hnena thu a sawinaah, Dubey chuan, Meta leh Technology Company dang
aiawhte nena an thutkhawm hnu lawk khan, an dinhmun chu Ministry pahnih hnenah
chuan an thlen tawh thu sawiin,
"Parliamentary
Committee chuan, Ministry of Electronics and Information Technology leh
Ministry of Home Affairs hnenah lehkha a thawn a, Prime Minister video delete
kha intermediary tih tur a ni lo va, publisher tih tur zawk a ni. Chuvangin
Mark Zuckerberg hian ni thum chhungin ngaihdam a dil ngei tur a ni. A dil loh
chuan Meta hnena pek Safe Harbour humhimna hi laklet a ni ang," tiin Dubey hian a sawi a ni.
0 comments :
Post a Comment