KRISTIAN HLA BU THAR, HLA 70 DAH BELHNA CHHUAK HNAI

KRISTIAN HLA BU THAR, HLA 70 DAH BELHNA CHHUAK HNAI

><}}> Dr. John, 4.8.26

Mizoram Presbyterian Kohhran leh Baptist Church of Mizoram tangkawpin an buatsaih Kristian Hla Bu thar chu August 14, 2026-ah Mission Veng Kohhran Biak In-ah Pathian hnenah hlan a ni dawn a, zawrh chhuah nghal a ni ang.

 

Kristian Hla Bu tharah hian hla 650 awm tawh dawn a, hla thar 70 belhin a hma a awm hla awm sa 20 paih a ni thung a. Hla bua dah tharte hi tunlai hla leh thalai lamin an sak uar deuhte an ni ber tih a buaipuitute chuan an sawi. Hla bu thar hi a len zawng (size) chi thum siam a ni a. A man tlawm ber Rs 250 leh a to ber Rs 800 a ni ang.

 

Hla bu thar chhutna atan Mizoram Synod chuan Rs. 70 lakhs a ruahman a. Mizorama a chhut theih loh avangin Mizoram pawn lama chhut a ni.

Kristian Hla Bu hi Presbyterian leh Baptist Kohhran bakah Mizorama kohhran dangte pawhin an hmang ve thin. A chhuak hmasa ber chu kum 1899 khan Eureka Press, Calcutta-ah chhut a ni a, hla 18 chauh awmin copy 500 chhut a ni.

 

Kristian Hla Bu man zat tur:

 

A. A LIAN CHI (LARGE)

Ordinary (Plastic Cover) – Rs. 350

Bonded Leather – Rs. 500

Genuine Leather – Rs. 800

B. A LAIHAWL (COMPACT SIZE)

Ordinary (Plastic Cover) – Rs. 300

Bonded Leather – Rs. 400

Genuine Leather – Rs. 700

C. A TE (POCKET SIZE)

Ordinary (Plastic Cover) – Rs. 250

Bonded Leather – Rs. 350

Genuine Leather – Rs. 600