MIZO NAUPANG REGINA LAWMKIMI CHU AITA NATIONAL GIRLS TENNIS RANKING TOURNAMENT UNDER 16-AH CHAMPION
><}}>
Dr. John, 3.8.26
All
India Tennis Association (AITA) buatsaih,
National
Girls Tennis Ranking Tournament Under-16 in-elna, Bengaluru city, Karnataka-a
neih-ah, Regina Lawmkimi Bawitlung chuan, a khingpui Anisha Marian chu 6-3, 6-3
a hneh-in a Champion a ni.
Regina Lawmkimi Bawitlung
hi Mizo Hmeichhe zinga National Level Junior Tennis Tournament-a Champion hmasaber
a ni. Tunah hian, AITA Girls Under-18 division Ranking ah, the Top 400 National
Ranking a ni mek. AITA Tournament buatsaihah hian, Regina hian vawi 5 a khel
tawh a, Vawi 2 a Champion tawh nghe nghe a ni.
Kum 2023 July 24-28-a National Junior Tennis Ranking Under-14
Championship Series 7, AITA Tournament, Dwarka, New Delhi-ah khan, 2nd-Seed
Anya Gupta chu, 6-3, 6-2 a hneh-in a lo champion tawh bawk a ni.
Regina hi a putea te
pa 2 (Mizo Tennis Star tho)- Jojo Khuma leh Basil Khuma ten Coaching hi an lo
pe thin a ni.
Regina hi Pu B.
Vanlalvawna, IFS leh Dr. Rosy L. Khuma te fanu niin, Zonuam, Aizawl tleirawl a
ni a. Regina hi July 12, 2010 khan, a pa hnathawhna hmun, Brussels, Belgium-ah
a piang a. Tunah hian Bengaluru-a The
Sports School-ah a training mek a ni.
Regina hlawhtlinna hi
ama mimal hlawhtlinna mai a ni lova, Mizo te hlawhtlinna a ni tel a. Thinlung
takin kan lawmpui tak zet zet a, hma hun eng tak a neih-ah hian, Pathianin
malsawmna leh hlawhtlinna pe chhunzawm zel se, tiin duhsakna sang ber kan hlan
e.
0 comments :
Post a Comment